Heimanám í hugleiðslu, þriðja vika: Að hugleiða í
 andlega hjartanu

Ef þú heldur að þú eigir 
í erfiðleikum með hugann,
reyndu þú undir eins að finna
 fyrir lausninni sem er þegar til staðar 
í hjartanu.
— SRI CHINMOY

Markmið

Eftirfarandi eru markmið þriðju viku:

  • Að halda áfram að hugleiða reglulega og daglega við þitt eigið altari.
  • Að læra um mikilvægi andlega hjartans.
  • Að læra aðferðir sem hjálpa þér til að komast að andlega hjartanu.

Til minnis

Þitt sanna heimili

Með einbeitingaræfingum síðustu viku uppgötvaðir þú æðri vitund, sem er aðskilin huganum. Við vitum öll hvar huglæga vitundin okkar býr, þ.e.a.s. einhverstaðar á milli og fyrir ofan axlir. En hvar býr þessi æðri vitund?

Ef þú hefur getið þér til um það, að hún búi í andlega hjartanu er það rétt. Til hamingju. (Titillinn á þessum kafla gaf það að vísu til kynna.) En hvað er andlega hjartað og hvar er það að finna?

Við skulum byrja á því að finna hvar andlega hjartað er. Lokaðu augunum um stundar sakir (þ.e.a.s. þegar þú hefur lokið við málsgreinina) og bentu með
vísifingri á sjálfan þig á meðan þú segir upphátt „ég“. Endurtaktu þetta nokkrum sinnum. Hvar lenti fingurinn? Á andlega hjartanu. Nú þegar þú veist hvar andlega hjartað er skulum við komast að því, hvað það er.

Lifðu í hjartanu:
Tækifærin munu vekja þig til lífsins.
— SRI CHINMOY

Innri uppspretta

Í hugleiðslubókinni og í þessari vinnubók muntu lesa um andlega hjartað eða einfaldlega „hjartað.“ Eins og þú hefur eflaust getið þér til á andlega hjartað lítið skylt við hjartavöðvann sem slær inni í brjóstkassanum. En það á allt skylt með þeim eiginleikum sem við þurfum á að halda til þess að hljóta meiri lífsfyllingu og verða hamingjusamari manneskjur.
Hverjir eru eiginleikar hjartans? Þú veist það nú þegar innra með þér. Athugaðu eiginleikana sem koma fram í eftirfarandi staðhæfingum:

  • Hún er svo góð og umhyggjusöm.
  • Ég elska þig af öllu mínu hjarta.
  • En hvað það var leiðinlegt. Ég veit alveg hvað hún er að ganga í gegnum. Það fær mjög mikið á mig að sjá hana þjást svona mikið eins og hún gerir.
    Það var svo indælt af nágranna okkar að hjálpa okkur þegar við þurftum á
    því að halda. Mikið er hann góðhjartaður!
  • Ég veit ekki hvað skal segja nema það, að ég þakka þér fyrir af öllu mínu hjarta.

Góðvild, umhyggja, kærleikur, samúð, eining, meðaumkun, þakklæti og að gefa af sjálfum sér eru eiginleikar andlega hjartans. Við skulum kanna þessa eiginleika enn frekar. Taktu þér lítið blað í hendur og teiknaðu stóran hring með litlum punkti í miðju eins og þennan:

 

óánægja
góðvild
gleði
hamingja
kærleikur
hatur
græðgi
þolinmæði
kyrrð
samúð
öfund
reiði
þunglyndi
óeigingirni
viska
friður

Sannir vinir leitandans eru þeir
 sem reyna ætíð að draga fram
 hreina, góða og guðdómlega 
eiginleika hans.
— SRI CHINMOY

Gerðu þér í hugarlund, að hringurinn tákni verund þína. Punkturinn í miðjunni er andlega hjartað og þar býr þitt sanna sjálf, eða sálin. Því fjær sem þú færist frá miðjunni, því fjær ertu komin frá þínum æðsta veruleika.

Skrifaðu nú eiginleikana, sem skráðir hafa verið hér á næstu síðu, annaðhvort inn í hringinn eða utan við hringinn. Skrifaðu þá inn í hringinn ef þér finnst þeir eiginleikar vera hluti af þínu sanna sjálfi en utan við hringinn ef þér finnst þeir ekki vera hluti af því.

Eru allir jákvæðu eiginleikarnir inni í hringnum og allir þeir neikvæðu fyrir utan hringinn? Það skulum við vona! Horfðu nú vel á myndina sem þú teiknaðir. Heldur þú, að líf þitt gæti breyst til muna ef þú upplifðir gnægð af eiginleikunum sem eru inni í hringnum og lítið sem ekkert af þeim eiginleikum sem eru utan við hringinn? Því máttu trúa!

Þetta er ástæðan fyrir því að þú hugleiðir í hjartanu. Hjarta þitt, miðja hringsins, er óendanleg innri uppspretta þar sem allir jákvæðu eiginleikarnir, sem þú vilt búa yfir, eiga upptök sín. Hvað gerist ef þú gengur inn í herbergi þar sem er myrkur og kveikir á kerti? Ljósið lýsir upp myrkrið í herberginu. Á alveg sama hátt, þegar hjarta þitt opnast í hugleiðslu, mun ljós sálarinnar lýsa æ meir upp verund þína. Eftir því sem þessi uppljómun eykst upplifir þú meira af jákvæðu eiginleikunum, sem þú skrifaðir inn í hringinn, og minna af þeim neikvæðu, sem þú settir utan við hringinn.

Óteljandi vandamál úr fortíðinni
 munu skjótt visna 
ef þú þorir að líta inn í óendanlegt ljósið, 
sem skilyrðislaust kallar á þig.
– SRI CHINMOY

Lestur

Í hugleiðslubók Sri Chinmoy skaltu lesa fimmta kafla og kafla níu til ellefu.

Eins og alltaf skaltu lesa kaflana a.m.k. tvisvar yfir. Eftir því sem þú hugleiðir meira á andlega hjartað, munu þeir skipta meira máli.

Æfingar

Áður en þú byrjar á æfingunum skaltu vera viss um að þú kunnir vel fimmta kaflann í bókinni. Reyndu einnig að leggja saman hendur á meðan þú hugleiðir eins og við nefndum í annarri viku.

Aðalæfingar

  • Kafli 5. Hugleiðsluæfíngar úr sjötta kafla, æfing 1. bls. 79. (10-15 mín.) Byrjaðu hugleiðsluna á því að gera nokkrar öndunaræfingar úr fyrstu viku og einbeitingaræfingu úr annarri viku í fimm til tíu mínútur samtals.
  • Reyndu svo að gera hugleiðsluæfingu eitt á bls. 79 – Hiarta-rósin. Mundu hvar andlega hjartað er! Það gæti hjálpað að nota aðra höndina eða fingurna til að snerta staðinn þar sem andlega hjartað er, þ.e.a.s. hjartastöðina, á meðan þú framkvæmir þessa æfingu.
  • (fimm mínútur). Önnur útgáfa af æfingu eitt er að ímynda sér örlítið gullið ljós djúpt í hjartanu. ímyndaðu þér svo að þetta ljós vaxi og víkki út eins og gullið mistur og fylli, hægt og rólega, út í alla verund þína. Líkt og angan blómsins sem er að springa út, breiðir þetta gullna ljós angan sálarinnar, frið, ljós, gleði og kyrrð, út um allan huga þinn og líkama. Þú getur svo endað æfinguna þegar þér finnst að þetta gullna ljós, sem streymir frá hjartanu, hafi náð að breiðast út um alla verundina.
  • (fimm mínútur). Ef þér finnst æfingin með gullna ljósið góð geturðu haldið áfram með hana. Um leið og gullna ljósið hefur fyllt út í alla verund þína skaltu ímynda þér, að ljósið þitt fari út fyrir líkamann og fylli út í herbergið. Haltu áfram að láta ljósið víkka út, lengra og lengra, þar til það hefur breiðst út um gjörvallan heiminn. Á meðan þú ert að vaxa og víkka út skaltu ímynda þér að gullna ljósið sé að renna saman við ljós allra manna á jörðunni. Að lokum, þegar þú finnur, að ljósið hefur breiðst út um allan heim, skaltu ímynda þér, að heimurinn sjálfur sé innra með þínu leiftrandi andlega hjarta.
  • (fimm mínútur). Ef þér finnst erfitt að ímynda þér andlega hjartað geturðu byrjað á því, að ímynda þér, að þú sért að anda inn og út um lítið op á miðjum brjóstkassanum. Þetta op er hjartastöðin. Andaðu að þér friði, kærleika, gleði, lífsorku, víðáttu eða einhverjum öðrum eiginleikum sem þér líkar við. Eftir stutta stund byrjarðu að skynja hlýju í hjartastöðinni.

Aukaæfingar

Hugleiðsluæfíngar úr sjötta kafla, æfíngar 2-5. bls. 79-80. (10-15 mín.)
Þegar þú hefur kynnt þér aðalæfingarnar vel geturðu reynt við æfingar tvö til fimm síðar í vikunni.

Til að vera einn af þeim allra bestu í augum Guðs,
skaltu ætíð fylgja vegi hjartans og láta
 aðeins sál þína leiða þig áfram.
— SRI CHINMOY

Samantekt

Í þriðju viku hefur þú:

  • Lesið kafla fimm og kafla níu til ellefu í hugleiðslubókinni.
  • Farið í aðalæfingarnar í a.m.k. tíu mínútur dag hvern og helst á sama tíma alla daga.
  • Skráð æfingamar og reynslu þína niður í dagbókina.
    Nú hefur þú hugleitt reglulega í þrjár vikur! Hefurðu tekið eftir einhverjum breytingum á því hvernig dagurinn líður? Rifjaðu upp atburði síðustu viku og athugaðu, hvort þær aðstæður sem áður fóru í taugarnar á þér hafi angrað þig eins mikið. Kannski hefur ekkert sérstakt verið að gerast, en e.t.v. fannstu fyrir meiri friði og innri kyrrð?
  • Ef þú hefur tekið eftir einhverjum breytingum þá máttu vera ánægður því að þetta er aðeins byrjunin! En hafirðu ekki orðið var við neinar breytingar skaltu ekki hafa áhyggjur því að þú ert rétt að byrja! í báðum tilvikum gildir það sama, þ.e. að hugleiða af einlægni og reglulega, og hafa trú á því að þú sért að taka framförum.

Viltu breyta heiminum?

Þú hefur ef til vill reynt að deila reynslu þinni af hugleiðslunni með vinum og kunningjum, og orðið þess eins áskynja, að sumir eru ekki jafn áhugasamir og þú. Þér hefur kannski verið sagt, að löngun þín í að uppgötva sjálfan þig sé „eigingjöm”. Þú skalt ekki trúa því.

Ef þig langar í einlægni að breyta heiminum hefurðu um tvo kosti að velja. Þú getur annaðhvort reynt að breyta öllum öðrum eða reynt að breyta sjálfum þér. Þar sem þú hefur meiri stjóm og skilning á sjálfum þér en öllum öðrum, hvaða leið telurðu að nýti bæði tíma þinn og krafta best?

Viltu breyta heiminum?
Breyttu þá sjálfum þér fyrst.
Viltu breyta sjálfum þér?
Ef svo er skaltu dvelja í þögn 
niðri í hafi þagnarinnar.
— SRI CHINMOY

Það er til önnur ástæða fyrir því, hvers vegna þú ættir að breyta sjálfum þér fyrst. Þú getur ekki gefið öðrum það sem þú býrð ekki yfir sjálfur og jafnvel þótt þú reynir er það máttlaust. Ef einhver sem þú álítur að sé þjófur segir þér að hætta að stela, myndirðu hlusta á hann? Væntanlega ekki. Hinsvegar, ef einhver sem er dýrðlingur í þínum augum segir þér að hætta að stela mun hreinleiki, auðmýkt og kærleikur hans hafa áhrif á þig og hvetja þig til að lifa betra lífi. Þarftu þá að verða dýrðlingur áður en þú reynir að hjálpa öðrum? Auðvitað ekki! Ef svo væri hefði Heimanámið aldrei orðið til. En þú þarft hvorki að leita út fyrir hússins dyr né gera eitthvað einstakt til að breyta heiminum. Sjálf þráin til að bæta sjálfan sig, öðlast meiri frið og færa öðrum góðvilja í þögn er stærsta aflið og það máttugasta til að hjálpa því sem næst okkur er, sem og heiminum öllum.

Taktu aðeins miklum framförum 
og bættu sjálfan þig til muna í eigin lífi.
Afraksturinn verður öðrum innblástur.
— SRI CHINMOY